九個幾月啦...

...咁快嘅！？


朱先生Today's High 5:

1. 婚後感恩: 雖然好似眨吓眼就結咗婚九個月零三日，其實好多唔同咗：住址、團契唔同咗、返工D工作忙咗、住間屋細咗、渣車來回少咗、洗嘢(洗費、洗碗、洗杉...)多咗，雖然體重都增加咗唔少 (=P)，不過都要Thanks God俾我同太太在咁多轉變中平安渡過，Yeah

2. 地震!?: 唔係講温哥華，係我間公司...上年年尾轉咗CIO，今年到班Directors要換位啦，傳聞話聽日會公報震成點，希望對我唔好咁大影響啦...

3. 從帶領遊戲出發：今晚去咗由跨越青年領袖學堂所舉辨一連四日嘅Game-Leading for Effective Learning課程。返完成日工，初時真係冇乜精神聽佢哋講D乜，不過玩玩吓又幾好玩，玩之餘又學到嘢，唔知真係可唔可以學以至用呢？...話時話、點解十幾人都係得三個弟兄嘅！？

4. 經驗嘅學習: 今日聽講員最touch我嘅地方，其實並唔係佢玩嘅遊戲，而係總結時佢話：神安排我地有唔同嘅經歴，係想我地係當中所得到嘅經驗而不繼學習...道理其實好簡單，今日聽起來特別有同感 =P

5. 查字典寫Blog: 仲記上年在blog話希望用咗手寫板後寫中文快D，不過依家先發現唔記得好多中文字點寫，時時都要查吓英對中嘅字典，速度其實同以前差唔多，係唔係要轉寫英文直接D呢?

Miss咗一日冇寫添...

...病呀嘛，情有可原啦^^


朱先生Today's High 5:


1 病咗第三日：今次唔係算病得好勁，係果種陰D陰D果隻，有時頭痛，鼻塞，喉嚨痛，流鼻水，手軟腳軟，眼訓(雖然平時都係=P )...其實咁先惨，都唔知病到幾時=_=

2 交租日：每逢月尾就係肉痛嘅時候，因為又要交咭數，又要交租，窮到呢...諗諗吓，我交租個合約寫話逢三十號交租，咁每年二月係唔係唔洗俾錢呢=P

3 - 5：太累啦...遲D再寫...

唉，病埋添...

...當你嘅枕邊人病咗，隔離果個好難唔病埋一份過喎，agree?


朱先生Today's High 5:


1 剪髮：wujo朱諗緊剪乜嘢髮形，令我發現咗點解女仕理髮係比男仕貴咁多：a) 女仕幾個月先要剪一次髮(我幾個月加理可能仲貴過佢哋!?)... b) 女仕通常都比男仕注重(梗係啦，幾個月先再剪架囉 ^^

2 Anti-Bully Day：為咗宣傳反校園"惡霸"問題，卑詩省今日有個叫做Anti-Bully Day嘅嘢，叫學生哥同返工人仕着粉紅色衫。不過就我在downtown所見，好似冇乜人知咁喎=P

3 大富翁：世界版嘅大富翁遲D推出，佢地個網頁有個最受歡受城市選舉，頭二十被選中嘅城市會印落個gameboard到，聽日下午四點載止，記住支持吓温哥華啦！
http://www.hasbro.com/games/kid-games/monopoly/

4 Trade deadline：加人隊尋日trade唔到球員幫佢地入波，今晚又輸波啦...睇嚟今年playoff都唔多樂觀...

5 屈到病？... 越來越唔舒服...莫講話寫blog，可能聽日返唔到工添...希望食完藥睡完之後好D啦

連續第二日有嘢post喎...

...值得鼓勵吓啦^^

朱先生Today's High 5:

1 開會日：除咗每日八點半都要開嘅例會之外，今日仲要去UBC Robson Square到開I.T.大會，都叫做知道公司將來發展嘅大方向，不過差唔多成四個鐘，坐到腳都痺埋=_=...

2 財政預算日：今日係加拿大嘅財政預算日，仲諗政府會唔會減稅幫吓我地D冇乜$嘅小市民(對於我D剛剛成家立室嘅人，梗係要特別留意啦^^) 不過除咗Tax Free Saving Account之外，好似冇乜着數咁喎；不過都比省財政預算好~在油價高企嘅時候仲要加埋D炭稅...唉~(想快D儲$唔洗租屋囉，請記念=P)

3 Best TV show：自從有咗一個只能睇英文台嘅電視機，好耐都冇睇英文嘅電視節目。如果你問最好睇係邊個節目，wujo朱梗係會話係CSI NY啦=P；至於我(除咗hockey之外^^)，我會話係The Biggest Loser囉(refer http://www.nbc.com/The_Biggest_Loser/)，見到一班三百幾磅嘅couples靠做GYM每人在十個禮拜之內減咗成八十幾磅喎(勁過瘦身堂啦!)。如果兩齣節目同一時間做呀？...唔...我諗都會俾太太睇CSI先啦=P
*** Poll question: CSI or The Biggest Loser?

4 與聖靈相交：最近終於聽完Mike Bickle講"與聖靈相交"嘅碟，開始對聖靈有D認識，希望可以keep住有進步啦^^

5 唔講你唔知：尋晚終於俾灑錢阿Bailey，應該兩個禮拜後有video睇啦，大家請忍耐多一陣啦=_=...

Finally...

好多個月冇寫過Blog，差D連username同password都唔記得 =P 其實之前都有好多嘢想寫，但係好多時返到屋企都唔係好有時間寫...(真係唔知wujo朱邊到找時間寫???)

朱先生Today's High 5:

1 病咗： 最近身邊嘅人依個病完到果個，從二月開始sick list嘅名單上已經有(RA, DS, NM & TS) 四位隔離位同事, 曉高, Leyond梁, Fiona, etc... 估唔到連wujo朱都病得好勁, 從我今朝六點幾返工, 到我四點半返到嚟，佢都係訓到好晽...希望佢訓醒會好返哂啦^^ 請記念

2 温哥華爛尾樓： 可能因為自已依家租屋住，對於樓房買賣嘅新聞特別留意。越睇就越多問號囉...買樓花通常係因為價錢比起好咗平D，但當工人加價建築商唔夠錢繼續，原來政府對依類買家嘅保障都係冇乜，聽落好似賭一次大咁...真係有$都要唸唸先...

3 奥斯卡：昨晚電視做奥斯卡頒獎禮，唔睇返個得獎名單都唔知，除咗The Bourne Ultimatum同埋Ratatouille之外，其它都冇睇過，我諗...得獎嘅片都係唔多吸引我...

4 唔講你唔知：聽日就係Hockey嘅Trading Deadline，(我諗除咗睇開波嘅人之外都冇乜人理架啦^^...)

5 唔講你唔知(2): 加航Spring Getaway Pass...買一張機票錢成個月任你飛!? 如果你係想係四月周圍飛玩吓，please check: http://www.aircanada.com/en/offers/air/springpass/springpass.html

Mr.Bean Vs 醬爆 and me???

個部落由上星期四重開之後，自己發現兩樣嘢：一)每日keep住寫blog真係唔容易，好多時都有心無力。二)Mr.Bean同醬爆真係咁似我!!??

朱先生(Daily)High 5:
1 撞到正: 寫星期五個部落時唔記得寫件事，就係返工坐skytrain時撞到阿Leyond囉，重要同佢一齊勁迫咁上車，想起都有點滴汗呀^^"
2 示範單位: 星期六早上同朱媽，朱弟加埋經紀去幫吓眼睇屋。對我嚟講依然係好遠同好貴，但發現西人住嘅樓真係整齊企理到好似Ikea果D示範單位咁。朱媽同朱弟都幾鐘意，仲即刻落埋Offer，可惜最後被人以超出底價買咗囉...
3 眾志城城為clean-up: 在團契講完加埋send咗email出嚟之後，其實都有D擔心冇人返嚟清咗個講台for星期五個佈道會，不過有馬可，GoGo，積奇，西哥，Wing李，David馮幫手，唔駛15分鐘就清哂，San Q San Q^^
4 心太軟: 週一晚D姊妹(太太)們去聚舊，於是我同馬可、積奇出去食飯。當大家食哂主菜仲有D唔夠飽嘅時候，大家唸住叫D特別嘅嘢試吓，於是積奇同我(不小心地)叫咗一味名為"心太軟"嘅甜品，結果原來係專門部被女仕服用嘅紅藻湯圓，食到我地三個人面都紅埋，差D流鼻血=D
5 西拉 or 提多?: 請代禱記念...

朱先生 Daily High 5
1 忙到呢: 自從公司請多咗人之後，好耐都冇在工作。撞正今日老細去咗芝加哥工幹，隔離位又返咗兩粒鐘後見唔舒服要提早收工，食完lunch後突然有兩個大嘢down咗，左耳一條confernece line，右耳又一個cell phone call。忙到差D要遲放工嚟，最stupid嘅係自己多腳踢鬆咗電腦電源個插頭囉，成份做做吓下禮拜四要present個powerpoint咁就無哂啦，禮拜一要做快D先得^^

2 塞車僑: 平時唔係整路由列治文返教會條路己經唔係好行啦，依家Queenbough僑北行去二埠方向整路兩線變到只有一條線，上星期五花咗成粒鐘先返到團契。最辛苦係日日要過僑放工嘅弟兄姊妹，真係返唔到屋企食晚飯囉，大大增加咗列治文晚市嘅經濟，你都咪話市政府整路冇計劃 =P

3 小組講D乜: 不得不應今次小組活動係比較差，都係時侯同煎Pan諗吓最後三個月做返齣好戲for小組先，冇乜idea添...有冇提議呀？

4 咁快? 話咁快阿朱媽就話睇到一個townhouse話幾好喎...樓市真係咁勁，梗有一間喺左緊？聽日同佢一齊去睇睇先^^

5 代禱事項: 我同污糟朱都仍求問緊明年升唔升團，請記念...話時話啦，你想見到我地係邊個團契呢？

N個月後...

因為時間(同埋自已懶...)嘅關係，真係N個月冇寫過部落囉。如果閣下係果D之前click 咗入呢部落而又因為冇嘢睇好失望咁走咗嘅人事，請多多見諒 =_= 我會做好呢個Blog暇啦！！

想咗好耐，我重開番呢部落寫D乜嘢好呢...終於俾我想到啦！瞪瞪瞪...瞪，等我同你隆重介紹：朱先生 Daily High 5...解說：希望值住呢個部落同大家分享五樣嘢(包括靈修得着、婚後生活、工作瑣事、時人時事等等)，唔知幾時daily會轉做weekly, bi-weekly, monthly, quarterly, semi-annually呢？...唉，我都唔咁講囉^^

朱先生 Daily High 5:
1 凡事謝恩：不經不覺就結咗婚兩個幾月，我同污糟朱嘅生活總算慢慢地適應落嚟(雖然佢仲話好似camping咁...)。其實真係好想再一次多謝所有在我地婚前婚後仆心仆命咁幫助我地嘅家人，親友，弟兄姊妹，同埋最重要多謝我地嘅神！San Q San Q^^
2 人人搬屋?: 唔好以為搬屋只係一對新人要做嘅事，剛剛收到消息，污糟爸同朱媽都分別成功售出房屋，瞪佢地高興之餘，前車可鑑(refer to 新何生何太)我同污糟朱都仲會有排忙，敬請記念 =P
3 NewWest大火: 自己好耐之前都想過買樓花，不過自己唔夠錢之外又怕爛尾，所以冇去馬...今日中午食飯時睇到NewWest果D仲起緊嘅apartment同townhouse燒到冇哂，聽D大陸同事講先知原來樓花係冇火險包暇，你都咪話唔驚...!
4 代禱事項：污槽妹將會在10月16號做頸部手術去除良性瘤，求神去醫治和賜佢平安。
5 更新注意：除咗生活唔同咗，大家可能已經留意到個部落設計都改咗。不過唔知你睇唔睇到朱先生嘅介紹唔同咗呢？唔好以為我亂咁寫自己呀，全部都係我從家人、親戚、朋友口中聽返嚟暇...

This bring us to our poll question for today: which of the following is the best to describe 朱先生: A)醬爆? B)方中信? C)劉凱威? D)MR.Bean? Please leave me a comment with your answer la^^

疲倦中工作嘅星期二...

有睇返我尋日寫嘅blog啲話，你可能都會估到今日我會發生嘅兩樣嘢：(一)累到死咗。(二)去咗Tim Horton買咖啡...估中咗D啦：累就係累暇啦(感恩我都仲有精神做好工作D嘢)，咖啡轉返飲大杯(己經唔係特大杯啦 =P)...

去開Tim Horton就當然唔止買咖啡啦，一向鐘情於牛角飽嘅我落完order要牛角飽之後突然間想轉食污糟D鍾意嘅cinnamon bun，不過出現咗小問題：收銀嗰位小姐聽唔清楚我要改嘢，最後我買咗兩個飽啦！唉...今日唔係中咖啡毒，但係加咗好多脂肪 =(oo)=

工作都算順利，不過俾我發現隔離team有好嚴重嘅人手分配問題，我阿頭想我諗方法解决佢...即係要打大老虎(人哋部最大粒果嗰!?)，求主俾我智慧同勇氣啦^^

忙碌嘅星期一...

一如以往，星期一係最辛苦起身嘅一日(尤其係對於七點正開工嘅我講 =_=)...當然今日都唔例外，專登去咗老添(Tim Horton)買杯咖啡，唔知發咗咩嘢神經買咗特大size囉，最驚嘅係未夠八點半鐘開會之前已經飲哂。死啦，中咗咖啡毒... =p

原本以為阿污糟D會同Filin買完嘢會過嚟高貴林添，點知佢地泊咗架車落禁區俾人拖咗去downtown，結果...我返工後嘅行程係咁：從downtown坐巴士返高貴林攞架車，去返downtown接佢，再去本那比買野食，車佢返温哥華休息一吓，再出發去高貴林Samuel屋企練歌，車返佢返温哥華，最後當然撑埋返自己屋企...(真真正正大温一日遊...round trip tim^^")

收筆之前，都想特別鳴謝以下弟兄姊妹嘅幫手(排名不分先後^^)：Filin, Samuel, Jocelyn, Kathy, Deakin, 魚羊, 黄會計，污糟D(of course^^)

傷城...

尋晚完咗團契累得太緊要係個梳化睡咗，九點幾突然被污糟D叫醒咗，好興仔咁話Knight街個巴士司機鬼咁慢之餘仲站站停，令佢走咗落列治文架巴士囉！本來想彈起身車佢返工，諗諗吓都係趕唔切，結果勞動咗佢阿爸車佢，總算遲咗少少返到工...不過亦因為呢件事令我擔心兩樣嘢：(一)近排心情已經麻麻地嘅污槽D會唔會仲差呢？(二)遲D搬咗去新居後佢返工仲遠咗又麻煩咗，唔知佢頂唔頂到呢？...=_=

去接污槽D放工之前走咗去卓正屋企坐，去放底Gigi嘅嘢同請帖之餘，當然要問吓佢近况啦，結果一如我所料：Same Same la^^

夜晚無無聊聊同污槽D睇咗傷城，可能本身無乜期望，不過越睇就越覺得幾好睇。鐘意兩個靚仔嘅演技(梁朝偉同金城武喎 =P)，加埋劉偉強導演D拍攝手法同講故仔方式，都算係近排最值得睇嘅港產片。我俾四隻^(oo)^啦！(滿分五隻)

平凡嘅一日...

最近日日都要七點鐘開工，變咗都要早D起身(五點正！)；加埋尋日行街食飯同準備週會挍到好夜，今朝真係好眼訓囉 =_=

今日唔駛揸車落列冶文接污糟D，可以坐巴士訓吓之外，五點鐘返咗屋企仲有得休息吓添；
但唔知係唔係習慣咗同佢趕返團契，感覺有D怪怪地同悶悶地，唉...總之好壞參半啦。

團契今晚好少人(得返十八個咋)，仲去咗約書亞團嘅地庫聚會，勁大地方囉，好泠清呀~~~

其實D小組組員都幾熟，所以整咗成晚嘅公仔紙好似幫助不大，同埋D公仔紙嘅形容詞真係有D古怪(歡唱?陰險?對準目標??)，點分享呀^^？

再見啦，瑪利!

通常一有同事走開(辭職或者轉門部)，唔知乜嘢原因其它D同事都會有機走埋一份。話說無幾耐之前阿CWan先升咗上十樓，今日又要同下個禮拜走上四樓嘅瑪利食farewell lunch。真係走吓一個又一個...唔係幾好開心見佢哋走假(因為兩個都勁好人囉)，但係都願主祝福佢哋兩個嘅前路啦^^

久休復出

無寫blog差唔多成兩個禮拜, 無他嘅, 要每次都要花成個鐘頭時間先寫到幾個字, 唉...
為咗唔好令呢個部落倒斃, 結果今日啲起心肝去咗買個五十蚊嘅手寫板返嚟玩, 雖然好似貴咗D, 但係希望每日都寫多少少同大家分享吓我嘅嘢啦^^

睡覺...Z...Z...Z...

昨晚睇電視節目"新聞透視"先發現原來自己係屬於長期睡眠不足嗰班人之一(專家話正常人係需要睡七個鐘甘上下, 仲要由十一點鐘開始睡到六點幾七點先最正囉!) 唉...平均每日睡五六個鐘頭嘅我真係要好好檢討下同分配好D時間啦! =_=

蜘蛛俠3

我本身都幾鐘意睇戲(click下左邊我個complete profile黎睇就知啦 =P) 最近太忙囉, 莫講話入場睇戲呀, 連影碟都真係好耐無睇過, 唉...不過咁好昨晚有小小時間, 加上積奇幫我地買左飛, 我同污糟啲先有機會睇到蜘蛛俠3咋(謝謝=D)。睇完戲之後, 俾我發現到幾樣唔係好明嘅野: 1. 蜘蛛俠明明在紐約, 點解警察局長個女由幾十層樓跌落街嗰道去左我公司樓下條街嘅? 2. 原來不只油價會唔同地方唔同價錢, 點解戲院D漢堡包pizza同街出面相差成倍嘅? 3. 我地明明唔係買左IMAX飛, 點解我同污糟啲都有3D感覺, 越坐就覺得越痕嘅?(真係有蜘蛛^^?)

路邊社特別報導: 免費單程飛香港機票!!!

突發消息: 甘泉香港航空今日同聽日推出免費單程飛香港機票promotion, 只有一千張嘅咋, 要買就快D啦! URL: http://www.oasishongkong.com/ca/en/promotion.aspx?id=20070508B

派喜帖...

我原本以為派喜帖係一樣好簡單嘅野黎, 點知唔係想像甘易囉。不但要在教會走黎走去找人, 又要看準時機, 眼明手快, 唔好令無帖或者無位請佢飲嘅人甘尷尬ma =P (鬼鬼鼠鼠好似帶住個紅白藍膠袋去偷渡甘 LOL)。不過見到弟兄姐妹甘驚喜同開心個樣, 辛苦D都值得嘅^^

今日心情馬馬地...

今日心情唔係甘好, 一黎要提早七點鐘開工之外, 老細(女王)又問買唔買佢個仔學校籌款D朱古力w囉(明屈啦 =_=), 又見到D同事唔係升職就係被女王點名讚testing做得好... 我? Train緊個新同事全部自己做嘅野(好似之後唔洗要我甘...) 真係吃力又唔多討好, 放工後想買個手寫板, 某電腦店個Sale掛住講電話完全理唔我囉...所以無什麼好野寫出黎, 唔好意思!

寫Blog唔易做

對一般人黎講, 寫Blog可能係好簡單, 但係對我黎講一D都唔容易。自己想用中文寫Blog(覺得比較有親切感^^), 但係又唔識打中文woh, 結果用左最蠢嘅方法: 由其他中文網頁copy & paste。真真係粒粒皆辛苦ga, 所以唔好話我每日寫得甘小或者寫錯字啦...可能真係要學下打字或者買個手寫板 =P